مــــــــــنــــــتـــــدايـــــات قـــــــلـــــــوب
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


فى حب الله التقينا
 
الرئيسيةس .و .جالتسجيلدخول

شاطر | 
 

 يوميات بلية ومرحوس ...... من تأليفي

اذهب الى الأسفل 
كاتب الموضوعرسالة
Monaliza

{{}} Admin {{}}avatar

عدد المساهمات : 150
تاريخ التسجيل : 11/07/2009
العمر : 30
الموقع : http://2loob.forumr.net/

مُساهمةموضوع: يوميات بلية ومرحوس ...... من تأليفي   الثلاثاء أغسطس 25, 2009 9:55 pm

اليومية الأولي

ومع اول استفتاحة لنا كدة في أول يوم شغل وبسم الله نبتدي
ويالا عشان هنرش مية عشان التراوة برضه وننضف الشارع

وبما اني الاسطى بلية هتلاقوني قاعدة في المكتب بتاعي (برستيج بئى)
والواد مرحوس(الصبي بتاعي)زمانه بيلف في أي حتة ولا بياكل على أي عربية فول
طول عمره معفن وبيموووت في أكل الشوراع وعمره عمره عمره ما غسل وشه
ولا ايده ولا يعرف اصلا شكل المية اية وان شاء الله اخلص منه قريب

وحضرت الظابط (معرفش رتبته اية) ماشاء الله قايم بالشغل مية مية
والأمن مستتب ومفيش أي حاجة والناس ماشية زي كل الناس بطريقة كل الناس في الشوارع والدنيا عادي

نسيت أقول لكم اني بعت الواد مرحوس يشتري للورشة شوية حاجات وشغلات لزوم الشغل
وقالي انه ناوي يطمع في الباقي عشان يروح يفسح الحتة بتاعته
وانا قولتله لا يامرحوس لما تيجي الاول ونتحاسب عشان دي فلوس ناس
وبعدين في شغلات للناس عايزة تخلص وانا مش هشتغل لوحدي اومال انا جايباك ليه مش عشان ابهدلك معايا
ومالوش لزوم الفسحة بتاعة كل يوم يابني ارحمني وارحم نفسك وارحم امك اللي كل يوم دايخة عليك
وانا بصراحة تعبت دوختني معاك يابني وامك كل يوم تيجي تسأل عليك
وانا كل يوم أقولها ماتخافيش عليها هي اه تخاف منك مش على بغل زيك
بس المهم
وهو جاي وبرضه في نيتة المعفنة انه يطبق على الفلوس بضمير منيل ويقولي
ان الفلوس كانت بالظبط على قد الحاجة فاكرني مش هكشفه واني مش عارفة التمن الحقيقي
وانه راح شربها عصير قصب من أول الحارة
ومرضاش يجيبلي معاه مع اني موصياه وقايلاله له اوعى يامرحوس تشرب قصب من غيري وهو عارف أنا بحبه ازاي
وشوفه بئى عشان نيته المهببه اللي زي الهباب اللي على وشه
حصله ايييييييية
طلع عليه شوية عيال كدة وثبتووووه
أوبااااااااااااااااااه
ضاع مرحوس وطبعا عارفينه جبان بس عامل نفسه بق على الفاضي
بس أول لما اتزنق قام مطلع كل الفلوس اللي مدكنها مخبيها من ورايا الندل ده (تستاهل يادزمة) أقول اية بس....
وقالوله انت تبع مين ياض
قالهم انا تبع الاسطى بلية
وبما اني مشهورة قوووي
فهما معرفونيش طبعا وقالوله طاب قول للاسطى بتاعك نفض لنفسك
وقاموا واخدين شوية الحاجات منه اللي شاريها والفلوس وقاموا ماشيين
وأل جاني بعد دقيقتين يبكيلي بدمع العين يحكي وانا ناري تزيد
وطبعا دلوقتي كل حاجة هتبان والفلوس اللي مخبيها عني هيتقال عليها مع انه حالفلي برحمة جدوده (على أساس ان عنده جدود زي باقي البشر)يهفه اتوبيس سياحي فاخر لو بيتكلم صدق
انه مش معاه ولا مليم وان أمه اخدت كل الفلوس اللي حيلته عشان تروح تشتري بيها شوية طلبات للبيت
لما قولتله روح على حسابك لان مش معايا فكة (واطي والواطي هيفضل طول عمره واطي) وتستاهل اللي جرى فيك وفرحانه من العلقة اللي أخدتها

بس استنوا كدة ونرجع بالشريط حبة لورا
(وقالوله انت تبع مين ياض
قالهم انا تبع الاسطى بلية
وبما اني مشهورة قوووي
فهما معرفونيش طبعا وقالوله طاب قول للاسطى بتاعك نفض لنفسك
)وقاموا واخدين شوية الحاجات منه اللي شاريها والفلوس وقاموا ماشيين

دول جابوا سيرتي في الموضوع واستهتروا بيا
ياااااااااااااااااالهوووووووي وحاجة العالم اخدوها
دا انتوا نهاركم مش فايت

ومين كان معدي وانا بولول (ولولوا عليك يامرحوس ساعة وانفضوا) معلش ياجماعة اصله مغلبني
حضرت الظابط(هو نفسه اللي مش عارفة رتبته) وانا بقول تعالي ياما شوفي بلية واللي بيجرالها
اتسرقت ياناس اعمل اية دلوقتي واجيب للناس حاجتها منين
دا انا هبيعك اللي وراك واللي قدامك يامرحوس الكلب لا بلاش اللي قدامك عشان موبايلي اللي قدامك
أروح فين واجي منين ياربي وارجع الحاجة اللي اتسرقت ازاي
وطبعا عارفين ودن حضرت الظابط لما تسمع كلمة سرقة
قام داخل جري وقام قايل مفيش حركة أي حركة هضرب في المليان
وكان في ساعتها زبون قاعد وتخين حبتين قام مستخبي تحت المكتب وقايل يالهوي دا انا المليان اللي فيكوا
تعالى يامرحوس كدة
قولتله الحقني ياباشا اتهنت في عهدك ياباشا
انا يستهتروا بيا ويقولولي نفضي لنفسك ليه شايفن التراب على وشي
وضربوا الواد اللي يستاهل حش رقبته ده وأخدوا منه عدة الشغل والحاجات بتاعة الناس
أعمل اية دلوقتي ياباشا أه ياني ياميلة بختي فيك يامرحوس
حضرة الظابط: بس بس صدعتيني اصبري شوية اية متعرفيش تسكتي
جرى اية ياباشا هو انت متقدرش على مرحوس عشان بيظبطك كل يوم الصبح سجاير وشاي
تقدر علييا أنا دا انا غلباتة ووحيدة
انتي دا انتي تغلبي محافظة
أيوة ياباشا اشتم اشتم علموك في بلدك تشتم
خلاااااااااااااااااااااااااااااااص ارحميني
صدقي انا غلطان اللي دخلت اصلا عشان اشوف فيه اية
واد يازفت تعالى ورايا وانتي خليكي هنا لما ابعتلك
عشان اشوف المشكلة بتاعتك دي
وراح الظابط وراح معاه مرحوس
غووووور يامرحوس جاك غورة تاخدك وتريحني منك
واما نشوف الباشا ده هيعملنا اية


ونشوف بئى حضرت الظابط هيعمل اية
هو ومرحوس وانا مستنية ينادوني
في اليومية الجاية انتظرونا
ومن هنا لغاية اليومية الجاية
سمعوني اغنية ماشربش الشاي هات الشيشة يالة
الرجوع الى أعلى الصفحة اذهب الى الأسفل
ZAHRA<W>BAS

{{}} قلب بيحاول {{}}
avatar

عدد المساهمات : 53
تاريخ التسجيل : 24/08/2009

مُساهمةموضوع: رد: يوميات بلية ومرحوس ...... من تأليفي   الخميس أغسطس 27, 2009 10:47 am

ههههههههههههههههههههههههههههههههههههههه
والله لو فضلت اضحك لبوكره مش هخلص ضحك
هههههههههههههههههههههههههه
وماشربش الشاى و هاتلى الشيشه ياله ماشربش الشاى
اشرب شيشا انا
توبيك جامد اوى
الرجوع الى أعلى الصفحة اذهب الى الأسفل
Monaliza

{{}} Admin {{}}avatar

عدد المساهمات : 150
تاريخ التسجيل : 11/07/2009
العمر : 30
الموقع : http://2loob.forumr.net/

مُساهمةموضوع: رد: يوميات بلية ومرحوس ...... من تأليفي   الخميس أغسطس 27, 2009 9:23 pm

يخليكي ليا يارافعة من معنوياتي
يااااارب تكون بجد عجبتك
منورة التوبك ياقمر
وانتظري الجزء التاني

_________________
الرجوع الى أعلى الصفحة اذهب الى الأسفل
Lucky Angel

{{}} creator  {{}}avatar

عدد المساهمات : 48
تاريخ التسجيل : 11/07/2009
العمر : 29

مُساهمةموضوع: رد: يوميات بلية ومرحوس ...... من تأليفي   الخميس أغسطس 27, 2009 9:54 pm

ههههههههههههههههههههههههه
ياعينى عليك يامرحوس
دايما كدا ظلماه يا نودى تؤتؤتؤتؤتؤ


تسلم ايداكى ياقلبى ومستنين الجزء التانى باذن الله

فى امان الرحمن

_________________
الرجوع الى أعلى الصفحة اذهب الى الأسفل
http://2loob.forumr.net
Monaliza

{{}} Admin {{}}avatar

عدد المساهمات : 150
تاريخ التسجيل : 11/07/2009
العمر : 30
الموقع : http://2loob.forumr.net/

مُساهمةموضوع: رد: يوميات بلية ومرحوس ...... من تأليفي   الخميس أغسطس 27, 2009 10:18 pm

انجل بزمتك انا ظالمة مرحوس دا كل شئ كان على يدك
وحاضر ياقلبي هنزل الجزء التاني
نورتيني ياقمر

_________________
الرجوع الى أعلى الصفحة اذهب الى الأسفل
شمس الحياة

{{}} المشرف العام {{}}avatar

عدد المساهمات : 141
تاريخ التسجيل : 26/07/2009
العمر : 31
الموقع : in my Special world

مُساهمةموضوع: رد: يوميات بلية ومرحوس ...... من تأليفي   الأحد أكتوبر 18, 2009 12:39 am

مرحوس وشحنى بشكل من ساعه ماهرب من المستشفى هههههههههههههه
الرجوع الى أعلى الصفحة اذهب الى الأسفل
Monaliza

{{}} Admin {{}}avatar

عدد المساهمات : 150
تاريخ التسجيل : 11/07/2009
العمر : 30
الموقع : http://2loob.forumr.net/

مُساهمةموضوع: رد: يوميات بلية ومرحوس ...... من تأليفي   الإثنين أكتوبر 19, 2009 12:10 am

لا تقلقي (سرقة من انجل) اول لما يجي علطول هجبهولك
هو يقدر يتعالج على ايد حد غيرك برضه
اياكش اخلص منه بئى
محدش عايزه ياجماعه

_________________
الرجوع الى أعلى الصفحة اذهب الى الأسفل
شمس الحياة

{{}} المشرف العام {{}}avatar

عدد المساهمات : 141
تاريخ التسجيل : 26/07/2009
العمر : 31
الموقع : in my Special world

مُساهمةموضوع: رد: يوميات بلية ومرحوس ...... من تأليفي   الجمعة أكتوبر 23, 2009 4:58 am

اصيلة ياامو ليزا هو ده العشم برضة ههههههههه
الرجوع الى أعلى الصفحة اذهب الى الأسفل
 
يوميات بلية ومرحوس ...... من تأليفي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــــــــــنــــــتـــــدايـــــات قـــــــلـــــــوب :: منتدى الضحك والتسلية :: قسم النكت والضحك-
انتقل الى: